قاتتىق دېسكا رايۇنىنى ئەسلىگە كەلتۈرۈش

نۇرغۇن دوستلار كومپىيۇتىرغا سېستىما قاچىلاش جەريانىدا ، بولۇپمۇ ئاپتۇماتىك قاچىلاش ئەمەس بەلكى ئۆزى بۇيرۇق بېرىپ قاچىلاش ئۇسۇلىدا ، خاتا بېرىلگەن بىر بۇيرۇق بىلەن ، بارلىق دېسكا رايۇنلىرى بىرلشىپ ، بىر دېسكا رايونىغا ئايلىنىپ قىلىش سەۋەبلىك ، نۇرغۇن يىللار ساقلىغان ئۇچۇرلارنى يوقتىش خەۋىپىگە دۈچ كېلىمىز .
بىلمىگەنلەر بولسا قاقشاپ-قاقشاپ مەيلى بوپتۇ دەر ، ياكى ئازغىنە پۇل خەجلەپ ئەسلىگە كەلتۈرگەنمۇ بولار . ئەمما ، مەن سۆزلىمەكچى بولغان بۇ ئۇسۇلدا ، قاتتىق دېسكا رايۇنىنىڭ 100% ئۇچۇرلىرى بىلەن ئەسلىگە كەلگىنىنى ئۆزۈم سىناپ بېشىمدىن ئۆتكۈزدۈم .
شۇڭلاشقا ياخشى ئۇسۇللارنى ئورتاقلىشىش ئارقىلىق ، دوستلارنى قېينچىلىقنى ھەل قىلىۋىلىشى يۈزىسىدىن ، تەجىربىلىرىمنى بۇ يەردە سۆزلەش نېيىتىگە كەلدىم ......

ئاساسلىق قەدەم باسقۇچلار ۋە لازىملىق قوراللار :

بىر دانە Ghost سېستىما دېسىكىسى (ئەسكەرتىش : قوراللار تىزىملىكىدە DISKFIX بۇيرۇقىنىڭ بار يوقلىقىغا ئوبدان دىققەت قىلىڭ )
1) كومپىيۇتىرنى ئوپتىك دېسكىدىن قوزغىتىش بۇيرۇقى بېرىڭ . ھەمدە رەسىمدىكى ئىستىرىلكا كۆرسەتكەن تىزىملىككە كېرىڭ .
1

2)بۇ تىزىملىككە كىرگەندىن كېيىن ، يەنە تۆۋەندىكىدەك بىر كۆزنەك ئېچىلىدۇ . بۇ كۆزنەكتە دائىم ئىشىلىتىلىدىغان بىر تۈركۈم سېستىما بۇيرۇقلىرى بار . رەسىمدىكىدەك .(رەسىمدىكىگە ئوخشاش DISKFIX بۇيرۇقى بولغانلىرىدا مەن دېگەن مەشغۇلاتنى ئورۇندىغىلى بولىدۇ ، DISKFIX بۇيرۇقى بولمىغانلىرىدا بۇ مەشغۇلاتنى ئورۇنداش مۇمكىن ئەمەس )
20081027220745752
3) نۇر بەلگە تۇرغان ئورۇنغا DISKFIX بۇيرۇقىنى كىرگۈزۈپ Enter نى چىكىمىز . بۇ چاغدا رەسىمدىكىدەك كۆزنەك ئېچىلىدۇ .
20081027220748298
بۇ كۆزنەكتىن «确定» نى چەككەندىن كېيىن ، سىز ئەسلىگە كەلتۈرمەكچى بولغان دېسكا رايۇنلىرى بىر-بىرلەپ كۆرۈلۈشكە باشلايدۇ . سىز بىرلەشتۈرۈلۈپ كېتىشتىن ئىلگىرىكى دېسكا رايۇنىنىڭ سىغىمىنى ئېنىق بىلسىڭىز ، شۇ سىغىمدىكى رايۇن كۆرۈنگەندە «保留»نى بېسىپ دېسكا رايۇنىنى ساقلاڭ ، ئەگەر سىزگە تونۇش بولمىغان سىغىمدىكى دېسكا رايۇنى كۆرۈنسە «跳过»نى بېسىپ ئاتلاپ ئۆتۈپ كېتىڭ .
ئاخىردا دېسكا رايۇنلىرىنى ئەسلىگە كەلتۈرۈش تاماملانغانلىغى ، كومپىيۇتىرنى قايتا قوزغىتىش ياكى قوزغاتماسلىقنى سورايدۇ . بۇ چاغدا قورقماي كومپىيۇتىرنى قايتا قوزغىتىڭ .
كومپىيۇتىر قوزغالغاندىن كېيىن دېسكا رايۇنلىرىغا قاراپ بىقىڭ ، سىز ئويلغان دېسكا رايۇنلىرى ئەسلىگە كەلگەن ، ھۆججەت-ماتىرىياللار تولۇق بولسا ، ئېنشاھ ئاللا ، تەشەككۈرىڭىزنى بىلدۈرۈش يۈزىسىدىن ، ياخشى ئىنكاسلىرىڭىزنى ئايىماي يازغايسىز ، سىز ئويلىغان دېسكا رايۇنلىرى ئەمەس ، بۇندىن نەچچە قېتىم بۇرۇنقى دېسكا رايۇنلىرى ئەسلىگە كېلىپ قالغان بولسا ، بايىقى مەشغۇلاتلارنى نۇرغۇن قېتىم ، يەنى سىز ئەسلىگە كەلتۈرمەكچى بولغان دېسكا رايۇنلىرى تىپىلغۇچە سىنىسىڭىزمۇ ، دېسىكغا قارىتا بۇ مەشغۇلاتنىڭ زىيىنى يوق .

تارىختىكى بۈگۈندە:

مۇئەللىم
ماسلىشىشچان بىلوگ ئۇسلۇبى : Ality
HotNews Pro ئۇسلۇبى
Wordpress رەسىم  ئۇسلۇبى : qanat
ۋوردپرس ئۇسلۇبى : Gulchi

باھا يوللايمەن

:?: :razz: :sad: :evil: :!: :smile: :oops: :grin: :eek: :shock: :???: :cool: :lol: :mad: :twisted: :roll: :wink: :idea: :arrow: :neutral: :cry: :mrgreen:

نۆۋەتتە :14    باھا بار | بۇنىڭ ئىچىدە زىيارەتچى قالدۇرغىنى :   14   پارچە | باشقۇرغۇچى قالدۇرغىنى :   0 پارچە

    • avatar ئىشقىيار ھاكىم

      مانداق بلوگ قىززىغاننى كۆرمىگىلى بەك ئۇزۇن بوپتىكەن ،بەكلا سۆيۈندۈم جۇمۇ … :mrgreen: :mrgreen: :mrgreen:

      • avatar چاقماق ھاكىم

        بەك ياخشى ئامال جۇمۇ بۇ ،مۇشۇ DOC بۇيرىقىنى ئۆگىنىپ قويسا بۇلىدىغان نەرسە ئىكەن جىق ئىقتىدارى بار ،يۇقارقى ئىشنى windows تا تۇرۇپ قىلغىلى بۇلىدىغان يەنە بىر دىتال بار ئىكەن ئىسمى [ PTDD ] بەك يامان نىمە بۇ ئىشلىتىپ بېقىڭلار.

        • avatar مەدىكار ۋالىي

          مېنىڭمۇ ئىلگىرى بىر قانچە دىسكام بىر بولۇپ قېلىپ Diskgen بىلەن ئەسلىگە كەلتۈرۋالغانتىم.ھەقىقەتەن ئۆگىنىپ قويۇشقا تېگىشلىك بىلىمكەن زادى بۇ ~~~~

          • avatar ياسىنجان ۋالىي

            مۇئەللىمكا خاپا بولماڭلا.. يىڭياچىلىق :mrgreen: :mrgreen: :mrgreen: :mrgreen:

              • avatar مۇئەللىم بېكەت باشلىقى

                @ياسىنجان ياقەي ، نېمىگە خاپا بولاتتىم . مۇشۇنداق بىلوگخۇمارلىقىڭلارغا ئامراقمەن.

                  • avatar ياسىنجان ۋالىي

                    @مۇئەللىم نەدىنمۇ تۇتاشتى بۇ بىلوگ ئوتى.. قىز بالىغا كۆيگەندەك كۆيۈ قالىدىكىنا ئادەم… مەنمۇ بىر مۇقىم بىلوگ ئېچۋالسام ، دىيارىمىزدىكى دوستلار ئۈچۈن تىل ئۆگىنش بىلوگى قۇرۇش نىيتىم بار… :smile: :smile: :smile:

                • avatar ياسىنجان ۋالىي

                  كۆز كۆرگىدەك يەردە قويماي ئۇنى.. نەدىمىكى بىر بۇلۇڭغا تىقىپ قويۇپ… :mad: :mad: :mad:

                    • avatar مۇئەللىم بېكەت باشلىقى

                      @ياسىنجان نىمانداق كۆز بولغىيدى سىلىدىكى ، پىشانەڭلىگە دىرىلىپ تۇرسىمۇ كۆرمەيدىغان …..ھىلىمۇ بەت ئۈستىگە قويۇپتىمەن تىخى ، نەگەقويسام كۆرەر بولغىيدىڭلار ئۇنى ؟

                    • avatar ياسىنجان ۋالىي

                      مېنىڭ بۇ يەردە تېما يوللاش سالاھىيتىم بولمىغاچ يازمىچىلا يازاي بولدى.
                      1. ئاۋۋال DOS قوراللار تىزىملىكىگە كىرىمىز.
                      2. ئاندىن بۇيرۇق يازىدىغان ئورۇنغا Diskgen دېگەن بۇيرۇقنى يېزىپ بولۇپ جەزىملەشتۈرۈش كۇنۇپكىسىنى بېسىپ Diskgen دېگەن يۇمشاق دېتالنىڭ كۆرۈنمە يۈزىگە كىرىمىز.
                      3. تىزىملىك ئىستونىدىكى قايتىدىن بۆلۈش ( 重建分区表 ) دېگەن تىزىملىكنى باسىمىز.
                      4. سەكرىمە كۆزنەكتىكى داۋاملاشتۇرۇش )继续(دېگەن كۇنۇپكىنى باسىمىز.
                      5. يەنە چىققان سەكرىمە كۆزنەكتىن ئۆز-ئارا ئالماشتۇرۇش ئۇسۇلى)交互方式(دېگەن كۇنۇپكىنى باسىمىز.
                      6. ئەمدى يوقالغان دىسكىلارنى ئاپتوماتىك ئىزدەشكە باشلايدۇ، بۇرۇن يوقاپ كەتكەن دېسكىڭىزنىڭ سىغىمى ئېسىڭىزدە بولسا شۇ بويىچە ساقىلۋالىسىز. ئەگەردە 1 گىگالىق ياكى 4-5 گىگالىق دىسكىنى تېپىپ قالسا ئىلگىرى ئۇنداق دېسكا بولمىسا ساقلىمايسىز. ئىلگىرى بۆلگەن 50 گىگالىق دېگەندەك دېسكىنى تېپىپ قالسا ساقلاش)保存(كۇنۇپكىسىنى بېسىپ ساقلايسىز.. ئاخىرىدا تېپىپ چىققان دېسكىلىرىڭىزنى ئەسلىگە كەلتۈرۈش دېگەن كۇنۇپكا بىلەن ئەسىلگە كەلتۈرۋالسىڭىز بولىدۇ…
                      ئەسكەرتىش: مەن بۇ خىل ئۇسۇلنى پەقەت سېستىمىنى قايتا قاچىلىغاندا ھەممە دېسكا پەقەت بىرلا دېسكا بولۋالغان چاغدا ئەسلىگە كەلتۈرگەن ئىدىم.. بۇنداق يۇمشاق دېتاللار بىلەن بەك ئوينىشىپ كەتمەڭ يىغلاپ قالىسىز.. دېسكىلىرىڭىز ئەسلىگە كەلسە ئىزدەپ سوراپ رەھمەت ئېيتارسىز. يۈتۈپ كەتسە مېنى ئىزدىمەڭ لېكىن.. :grin: :grin:

                        • avatar مۇئەللىم بېكەت باشلىقى

                          @ياسىنجان دۆتلۈكمۇ يىرىم دۆلەت ھە ، ئاۋۇ بەت ئۈستىدە «يازما يوللاش» دەپ بىر يەرنى ياسىغانمەن ، پەقەت سىلى ئۈچۈن . كۆز كۆرمىسە بىكار ، پىشانەڭلىگە ئۈسۈپ تۇرسىمۇ كۆرمەيسىلە ھە ؟ :mrgreen:

                        • avatar ياسىنجان ۋالىي

                          بۇمۇ بولىدىغان ئۇسۇلكەن.. يەنە بىر خىل ئۇسۇلدىن پايدىلىنىپمۇ ئەسلىگە كەلتۈرگىلى بولىدۇ.. مېنىڭمۇ بېشىمدىن ئۆتكەن ئىش.. Diskgen بىلەنمۇ ئەسلىگە كەلتۈرگەن ئىدىم مەن..

                            • avatar مۇئەللىم بېكەت باشلىقى

                              @ياسىنجان ئۇنداقتا Diskgen بىلەن ئەسلىگە كەلتۈرۈش ئۇسۇلىنى بىر تونۇشتۇرمامسىز ؟

                            • avatar tangnuri يېڭى مىھمان

                              ئۇستاز ئاۋۇ بىرىنچى رەسىمدىكى تاللاش خاتا بوپ قالدىمۇ قانداق ؟ ئەسلى DOS قۇراللار ئامبىرىغا كىرسەك توغرى بولامۇ؟

                                • avatar مۇئەللىم بېكەت باشلىقى

                                  @tangnuri مەن چۈشۈرگەن رەسىمدە شۇنداق تاللاغلىقكەن ، مەن قايتىدىن رامكىغا ئېلىپ ، ئاندىن ئىستىرىلكا بىلەن كۆرسىتىپ قويدۇم ، ئەلۋەتتە DOS قوراللار ئامبىرىغا كېرىمز .